15 қараша еліміз үшін айтулы оқиға - Ұлттық валютаның туған күні!

1993 жылғы 12 қарашада Қазақстан Республикасы Президентінің «Қазақстан Республикасының ұлттық валютасын енгізу туралы» Жарлығы шықты. 1993 жылғы 15 қарашада теңге айналымға жіберілді. Содан бері бұл күн ұлттық валютаның ресми туған күні болып саналады. Бүгінде теңге – бұл тәуелсіздіктің экономикалық негізі, егемендіктің нышаны, қазіргі заманғы тарихтың толыққанды бөлігі және Қазақстанның болашағы. 15 қараша елімізде Қазақстан Республикасының қаржы жүйесінің қызметкерлері үшін де кәсіби мереке болып саналады.

Басқару және бизнес жоғары мектебі

М.Әуезов атындағы ОҚМУ-нің «Басқару және бизнес» жоғары мектебі 1992 жылы Қазақ химия-технологиялық институтының  «Экономика, өндірісті ұйымдастыру және жоспарлау» кафедрасының негізінде құрылған.

Бүгінгі таңда М.Әуезов атындағы ОҚМУ «Басқару және бизнес» жоғары мектебінің құрамында 7 кафедра жұмыс істейді: «Экономика», «Менеджмент және маркетинг», «Қаржы», «Есеп және аудит», «Экономикалық теория», «Бизнес және коммерцияландыру», «Халықаралық туризм және сервис».

2019 жылдың 14-қараша күні «Ұлттық валюта-Теңге» күніне орай университет Мәжіліс залында Kassa Nova Bank АҚ ШФ басшылығы және банк мамандарымен Басқару және Бизнес жоғары мектебінің бітіруші курс студенттері арасында кездесу болып өтті. Кездесуге жоғары мектепте білім алатын, Қаржы, Экономика, Менеджмент, Маркетинг, Есеп және аудит мамандықтарының 4 курс студенттері қатысты. «Ұлттық валюта-Теңге» күніне және Kassa Nova Bank АҚ жайында баяндамалар жасалып, кездесу соңында бітіруші курс студенттерінен сауалнама алынды.

23 қазан мен 29-31қазан күндері аралығында Басқару және Бизнес жоғары мектебінің студенттері  театрға барып, қойылымдар көріп тамашалап қайтты. 23 қазан күні Шымкент қалалық әзіл-сықақ және сатира театрына барып, М.Оразметовтың «Ғашықтар хикаясы» атты комедиялық қойылымын көріп, тамашалап қайтты.

2019жылы 23 қазан күні университет акт залында «Басқару және Бизнес» жоғары мектебінің бірінші курс студентеріне арналған «Студенттік Арнау» мерекелік іс-шарасы болып өтті. Іс-шараға ЖМ деканы М.Қ.Сейдахметов, декан орынбасарлары мен кафедра меңгерушілері және бірінші курс студенттері, Жастар орталығының директоры З. Орынбеков, студенттік кеңес мүшелері қатысты. Биылғы жылы оқуға қабылданған бірінші курс студенттері үш тілде Ант қабылданды. Барша ЖМ бірінші курс студенттерін еліміздегі алдыңғы қатарлы ЖОО-ның студенттері атануымен шын жүректен құттықтаймыз!!!

2019 жылдың 1-10 қазан аралығында М.Әуезов атындағы ОҚМУ-нің «Денсаулық» бағдарламасы бойынша Рухани жаңғыру және Жастар жылы аясында 1 курс студенттері арасында факультетаралық 2019-2020 оқу жылындағы ХІІІ спартакиадасы өтті. Оннан астам спорт түрінен болған сайыста жалпы командалық есепте «Басқару және Бизнес» жоғары мектебінің бірінші курс студенттерінен құралған командасы жүлделі орындарды жеңіп алып, қорытынды есеп бойынша 2019-2020 оқу жылындағы ХІІІ спартакиадасының чемпиондары атанып, Ректор кубогын жеңіп алды. Құттықтаймыз!!!

8 қазан күні университет Мәжіліс залында Университет Ғылыми хатшысы Л.М.Сатаева және Басқару және бизнес жоғары мектебінің оқытушы-профессорлар құрамымен М.Әуезов атындағы ОҚМУ-дың 2019жылы 27тамыз айында өткен Кеңейтілген Ғылыми Кеңес мәжілісінде ректор Д.П.Қожамжарованың «2015-2020 ж.ж университеттің Стратегиялық дамыту жоспарын жүзеге асыру аясында 2019-2020 оқу жылына арналған міндеттер» тақырыбында жасалған баяндама негізінде Ғылыми кеңес қабылдаған шешімін жүзеге асыру мақсатында жоғары мектепте Кеңейтілген Кеңес өткізілді.

26 қыркүйек күні «Ақпараттық білім беру орталығының «Елбасытану» ғылыми-әдістемелік орталығында, ҚР Президенті Қасым-Жомарт Кемелұлы Тоқаевтың «СЫНДАРЛЫ ҚОҒАМДЫҚ ДИАЛОГ – ҚАЗАҚСТАННЫҢ ТҰРАҚТЫЛЫҒЫ МЕН ӨРКЕНДЕУІНІҢ НЕГІЗІ» атты Жолдауын түсіндіру және «Болашаққа бағдар: Рухани жаңғыру» бағдарламасы аясында «Жаңа гуманитарлық білім. Қазақ тіліндегі 100 жаңа оқулық» бағыты бойынша М.Әуезов атындағы ОҚМУ-де қоғамдық сананы жаңғыртудың жобалық кеңсесінің басшысы Г.А.Жанысбекова және Басқару және Бизнес жоғары мектебінің студенттерінің қатысуымен дөңгелек үстел ұйымдастырылды.

18.09.2019ж. күні  Шымкент қаласы Әділет департаментінің мамандары мен «Басқару және Бизнес» жоғары мектебінің ұйымдастыруымен Елбасымыз Н.Ә.Назарбаевтың «Рухани Жаңғыру» бағдарламасы аясында жарық көрген  «Қазақстанның 100 жаңа есім» жобасының жеңімпазы С.Ертаевпен студент жастар арасында кездесу болып өтті. Кездесу ашық сұхбат, сұрақ-жауап түрінде өтті. Жеңімпаз студент жастарға көптеген қызықты мәліметтер айтып, сұрақтарына жауап берді.

2019 жылдың 17-27 қыркүйек аралығында  Елбасымыздың «Рухани жаңғыру Болашаққа бағдар» мақаласы аяында қаламыздағы Ж.Шанин атындағы академиялық қазақ драма театры қыркүйек айында көрермендерге үш қойылым көрсетуді жоспарлап, 17 қыркүйек күні аталған кестеге сай «Басқару және Бизнес» жоғары мектебінің студенттері театрға барып, А.Құнанбайұлының «Желсіз түнде жарық ай» музыкалық қойылымын тамашалап, керемет әсер алып қайтты. Алдағы уақытта да осында керемет іс-шаралар жалғасын табады деген ойдамыз.